APFM Korporativ Üzvləri Üçün Şəbəkələşmə (Networking) Görüşü

Azərbaycan Professional Maliyyə Menecerləri Assosiasiyası (APFM) korporativ üzvləri arasında əməkdaşlığı gücləndirmək və təcrübə mübadiləsini təşviq etmək məqsədilə növbəti Networking səhər yeməyi tədbirini təşkil etdi.

Qeyri-rəsmi və səmimi mühitdə keçən bu görüş, müxtəlif sektorları təmsil edən korporativ üzvlərimizi bir araya gətirərək onlara biznes əlaqələrinin qurulması və genişləndirilməsi, sahə üzrə yeniliklərin və aktual maliyyə trendlərinin müzakirəsi, APFM ailəsinin bir hissəsi olan şirkətlər arasında kommunikasiyanın artırılması, faydalı dialoq və gələcək planlar üçün imkanları yaratmışdır.

Səhər yeməyi formatında keçirilən tədbir zamanı iştirakçılar həm cari iqtisadi prosesləri müzakirə etdilər, həm də gələcəkdə həyata keçiriləcək birgə layihələr haqqında fikir mübadiləsi apardılar. APFM olaraq korporativ üzvlərimizin peşəkar inkişafına və onların biznes şəbəkələrinin genişlənməsinə xidmət edən bu cür tədbirləri mütəmadi olaraq davam etdirəcəyik.

Görüşdə iştirak edən bütün korporativ üzvlərimizə maraqlı, məhsuldar və səmimi müzakirələr üçün dərin təşəkkürümüzü bildiririk. Sizin uğurunuz bizim ortaq dəyərimizdir!